contoh pidhato bhs jawa

NASKAH PIDATO

BASA JAWA

 

Kaanggit dening :

Devin Andiarto IX F

SMP Negeri 1 Cluring

Tahun Pelajaran 2014/2015

Atur Pangiring

      Puji syukur dumateng Allah SWT, kagem sedaya nikmat lan rahmatnipun. Kula ugi ngaturake maturnuwun sanget dening Bu. Ramini. Ingkang sampun maringi kula bimbingan. Saengga kula saget ngrampungaken naskah pidato basa jawa ingkang gadah irah – irahan “Hari Kartini”.

      Ngrumaosi menawi isi naskah punika taksih lebih saking sampurna, pramila pangimpun ngajeng – ngajeng saget kersa para pemaos paring sumbang surung pamanggih ndadoshake kasampurnanipun.

      Wasana  mugi – mugi Naskah Basa Jawa punika saged gadhahj manfaat lan ugha saged dados bahan pembelajaran dening siswa – siswi SMP Negeri 1 Cluring.

Cluring, 2 Febuari 2015

        Panyerat

Assalamualaikum Warohmatullohi Wabarokatuh

Ingkang kinurmata Kepala SMP Negeri 1 Cluring

Ingkang kinurmatan Bapak /Ibu Guru lan Karyawan – karyawati SMP Negeri 1 Cluring

Lan Pak Misnan lan Bu Ramini ingkang kula bekteni kalian rencang – rencang kelas 9 ingkang kulo tresnani.

            Ing wekdal samenika kula bade ngaturake babagan “Hari Kartini” ing warsa 2015 menika.

            Monggo kito sedaya ngaturaken puji syukur dhumateng Gusti ingkang maha Agung ingkang sampun maringaken sedoyo nikmat lan kewarasan dateng kito sedoyo dumugi sakmeniko kito sedaya saged kempal wonten niki.

Para rawuh sedaya, sampun kita mangertosi bilih Raden Ajeng Kartini miyos nalika tanggal 21 April 1879 ing Jepara. Pramila ing tanggal 21 April menika kita pangeti minangka dinten lairipun Raden Ajeng Kartini. Kangge mengeti perjuanganipun Raden Ajeng Kartini ingkang sampun ngangkat drajatipun wanita Indonesia ngantos saged sami kaliyan drajating priya.

Rikala gesangipun Raden Ajeng Kartini, para wanita Indonesia tansah wonten ing pingitan. Para wanita mboten dipun keparengaken sekolah. Boten kepareng gadhah padamelan sami kaliyan priya. Nanging samenika, para wanita sampun sami drajatipun kaliyan kaum priya.

Asil perjuanganing Raden Ajeng Kartini pranyata saestu saged kaleksanan, samenika sampun kathah para wanita ingkang lenggah ing jabatan penting dados ketua utawi pemimpin, kados Ibu Megawati Sukarnoputri Presiden Republik Indonesia ingkang kaping gangsal.

Saupami Raden Ajeng Kartini taksih sugeng temtu remen priksa kawontenan kaum wanita ing wanci menika. Hak-hakipun, sami kaliyan para priya. Emansipasi ingkang dipunkersakaken R.A Kartini inggih menika ngagenging haking panggesangan sami antawisipun priya kaliyan wanita, menawi priya saged sinau ing pawitan luhur, wanita inggih dipun parengaken. Wanita mboten naming ing pawon.

Para rawuh sedaya ingkang kula kurmati, menawi para wanita sampun sami nyambut damel kangge majengaken negari tuwin agami, nanging mboten kesupen wanita gadhah jejibahan anggulawentah putra ing kulawarga lan ugi makarya minangka tandha darma bektinipun dhateng negari.

Kadosipun sampun cekap anggenipun kulo matur. Bilih menawi wonten kalepatan kulo nyuwun agenging pangapunten.

Waassalamualaikum Warohmatullohi Wabarokatuh.